www.motk.kz

Ақтау қаласы, 7 шағын аудан
«Балбобек» СО
Анықтама телефоны:
8 (7292) 51-75-95

 

Театр қоржыны тағыда бір жаңа қойылыммен  толықты.

10-тамыз күні әдеттегі жоспар бойынша  Тәуелсіздігіміздің 30 жылдығына арналған      Н.Насырованың «Бабалар үні» спектакльі  көркемдік кеңес мүшелеріне  тапсырылды.

Спектакль авторы және  қоюшы режиссері «Құрмет» ордені иегері, ҚР «Мәдениет саласының  үздігі», театрымыздың бас режиссері  Надежда  Насырова Николаевна.

Моно-спектакль түрінде  сахналанып, актер, ҚР «Мәдениет  саласының  үздігі» Ержан Бигашевқа  арнайы  жазылып, қойылды.

Баяғыда, неше замандар бұрын… Ұлы көк Тәңірі  бұл әлемді билеп тұрған кездері... Тек Қасиетті Жер ғана біледі! Бұл баяғыда болып еді!.. Жел Құдайы небір аңыздар  мен тарихтарға, өсиеттер мен адамдардың түрлі  тағдырларына куә болған   оқиғаларын  таратып әкетті...  Баяғыда бір ауылда бір отбасы  өмір сүріпті. Олардың бір ұлы болатын… Сәби болса да, кішкентай жүрегінен, бала болмысынан  адамгершілік пен ар-намыс, батылдық пен қайсарлықтың белгілері анық көрінетін.… Ол табиғатты, оның айналасында болып жатқан құбылыстардың бәрін көріп, естіп, сезе білетін.…Ол баланың аты- Ержүрек еді… Сөйтіп, елін, жерін, отбасын  сүйетін, батыл да ержүрек аңшы, нағыз азамат болып өседі!..  Бабалар аманатын   жалғастырып, қазіргі  таңда  жерімізді, табиғатымызды  қорғау, адамгершілік  қасиетті бойымызда  сақтай  білу  әр адамның  сана-сезімінде  болуы тиіс!